32339 ۔۔۔ فرمایا شعیب (علیہ السلام) اللہ کی محبت میں روتے رہے یہاں تک ان کی بینائی چلی گئی پھر اللہ تعاٰ نے ان کی بینائی واپس کردی اور ان کی طرف وحی بھیجی کہ اے شعیب یہ روناکس قسم کا ہے کہ جنت کی شوق سے یا جہنم کے خوف سے تو عرض کیا باری تعالیٰ آپ کو معلوم ہے کہ نہ میں جنت کی شوق سے روتا ہوں نہ جہنم کے خوف سے بلکہ آپ سے قلبی محبت میں روتا ہوں جب میں آپ کو ایک نظردیکھ لوں گا اس کے بعد میرے ساتھ جو معاملہ کیا جائے مجھے کوئی پروا نہیں اللہ تعالیٰ نے وحی بھیجی کہ اے شعیب یہ دعوت برحق ہے تو تمہیں مبارک ہو تم نے مجھ میری ملاقات کا قصد کیا اس لیے میں نے موسیٰ بن عمران کلیم اللہ کو تمہارا خادم بنایا۔ (الخطیب وابن عساکر بروایت شداد بن او س اس کی سند میں اسماعیل بن علی بن حسن بن بنداری بن مثنی استرآبادی واعظ ابوسعید نے کہا کہ خطیب روایت میں ان پر اعتماد نہیں کرتے تھے یہ حدیث منکر ہے ذھبی نے میزان نے کہا کہ یہ حدیث باطل ہے اس کی کوئی اصل نہیں ۔ ابن عساکر نے کہا اس کو واقدی نے روایت کیا ابن الفتح محمد بن علی الکوفی سے انھوں نے علی بن حسن سے جیسا کہ ان کے بیٹے اسماعیل نے ان سے روایت کی لہٰذا وہ اپنی ذمہ دار سے بری ہوگیا خطیب نے اس لیے ذکر کیا کہ اس میں اسماعیل پر الزام ہے۔ (العدسیة الضعفہ 34 الضعیفہ 998)